ግብፅ በቀይ ባሕርና በባብኤል መንደብ የመጓጓዣ ነጻነት እንዲጠበቅ ጠየቀች፤ ደኅንነቱ የአጎራባች አገሮች ኃላፊነት ነው አለች

የግብፅ የውጭ ጉዳይ ሚኒስትር ባድር ዓብደላጢ፣ በቀይ ባሕርና በባብኤል መንደብ የባሕር መተላለፊያ የመጓጓዣ ነጻነት መጠበቅ እንዳለበትና የእነዚህ የውሃ መተላለፊያዎች ደኅንነት በእነሱ ዳር የሚገኙ የአረብና የአፍሪካ አገሮች ኃላፊነት መሆኑን ገልጸዋል።

ይህን የተናገሩት መስከረም 28 በካይሮ ከተባበሩት መንግሥታት የየመን ልዩ መልዕክተኛ ሃንስ ግሩንድበርግ ጋር በነበራቸው ውይይት ነው።

ሚኒስትሩ፣ የዚህ የውሃ መተላለፊያ መረጋጋት ከዓለም ኢኮኖሚ፣ በተለይም ከዓለም አቀፍ ንግድና ከምግብና ኢነርጂ አቅርቦት ሰንሰለቶች ጋር በቀጥታ የተቆራኘ መሆኑን ገልጸዋል። የቀይ ባሕርና የኤደን ባሕረ ሰላጤ ደኅንነት ከዓለም ኢኮኖሚ ጋር በቀጥታ የተያያዘ መሆኑንም አክለው ተናግረዋል።