ግብፅ የቱርክና የምሥራቅ ሊቢያ የባሕር ስምምነትን አልቀበልም አለች

የግብፅ ውጭ ጉዳይ ሚኒስቴር ባወጣው ይፋዊ መግለጫ፣ በምሥራቅ ሊቢያ የሚገኘው ምክር ቤት ከቱርክ ጋር ያጸደቀው የባሕር ድንበር ስምምነት «ፈራሽና ከንቱ» መሆኑን አስታውቋል።

ካይሮ ስምምነቱ በግብፅ ላይ ምንም ሕጋዊ ተፈጻሚነት እንደሌለውና የኢኮኖሚ ቀጣናዋንና ጥቅሞቿን የሚጥስ መሆኑን ገልጻለች።

ጉዳዩ አስቀድሞም ከፍ ያለውን የምሥራቅ ሜዲትራኒያን ጂኦፖለቲካዊ ውጥረት የበለጠ ሊያባብሰው እንደሚችል ተገልጿል።

በተያያዘ ዜና ፕሬዚዳንት አብዱልፈታህ አልሲሲ፣ የአገራቸው ወታደራዊ ጥረት የሳዑዲ ዓረቢያን ግዛትና ድንበር ለመከላከል ብቻ ያለመ መሆኑንና በየመን ላይ ጥቃት የመፈጸም ዕቅድ እንደሌላቸው አስታውቀዋል።