ግብጺ ስምምዕ ባሕሪ ቱርክን ምብራቕ ሊብያን ከምዘይትቕበሎ ኣፍሊጣ

ሚኒስትሪ ወጻኢ ጉዳያት ግብጺ ኣብ ዘውጽኦ ወግዓዊ መግለጺ፡ እቲ ኣብ ምብራቕ ሊብያ ዝመደበሩ ባይቶ ምስ ቱርኪ ዘጽደቖ ናይ ባሕሪ ዶባት ስምምዕ «ውዱቕን ከንቱን» ምዃኑ ኣፍሊጡ።

ካይሮ እቲ ስምምዕ ኣብ ልዕሊ ግብጺ ዝኾነ ሕጋዊ ተፈጻምነት ወይ ሳዕቤን ከምዘይብሉን፡ ንቁጠባዊ ዞባኣን ረብሓታታን ዝግህስ ምዃኑን ገሊጻ።

እዚ ጉዳይ ነቲ ድሮ በሪኹ ዘሎ ጂኦፖለቲካዊ ወጥሪ ምብራቕ ማእከላይ ባሕሪ ዝያዳ ዘጋድድ ክኸውን ከምዝኽእል ይግለጽ።

ኣብ ተዛማዲ ዜና፡ ፕረዚደንት ዓብደል-ፈታሕ ኣል-ሲሲ፡ ወተሃደራዊ ጻዕርታት ሃገሮም ንልኡላዊ መሬትን ዶባትን ስዑዲ ዓረብ ንምክልኻል ጥራይ ዝዓለመ ምዃኑን ኣብ ልዕሊ የመን መጥቃዕቲ ናይ ምክያድ ንድፊ ከምዘይብሉን ኣፍሊጦም።