የዓለም ጤና ድርጅት ኤርትራን ለተላላፊ በሽታዎች ዝግጁነት እየደገፈ መሆኑን አስታወቀ

በኤርትራ የሚገኘው የዓለም ጤና ድርጅት ጽሕፈት ቤት ማክሰኞ መስከረም 29 ቀን በሰጠው አጭር መግለጫ፣ ድርጅቱ ለኤርትራ የጤና ዘርፍ በጤና ሚኒስቴር በኩል፣ ለማንኛውም ወረርሽኝ ዝግጁነትን ለማጠናከር የተለያዩ ድጋፎችን እያደረገ መሆኑን አስታወቀ።

ጽሕፈት ቤቱ፣ በባለፈው ዓመት አራት ፈጣን የጤና ስጋት ግምገማዎች መካሄዳቸውን ጠቅሷል።

ድርጅቱ ለምርመራ፣ ለበሽታ አያያዝ፣ በወረርሽኝ ወቅት ለሚደረግ የሕዝብ ግንኙነትና ለማኅበረሰብ ተሳትፎ፣ እንዲሁም አስፈላጊ የላቦራቶሪ መመርመሪያ ቁሳቁሶችን ማቅረቡን ገልጿል።

በተጨማሪም፣ ወረርሽኞችን በጊዜ ለመለየትና ምላሹን ለማሻሻል የአቅም ግንባታ ድጋፍ ማድረጉን አስታውቋል።