የፌደራል ሠራዊት ከመቀለ መውጣት መጀመሩ ተገለጸ፤ ወደ ኩዋሃ አቅጣጫ እያፈገፈገ ነው

ያለ አንድ ጥይት ተኩስ መቀለ መግባቱ የተነገረው የፌደራል ሠራዊት፣ ሰኞ ጥቅምት 5 ከተማዋን መልቀቅ መጀመሩና ወደ ምሥራቅ ዘጠኝ ኪሎ ሜትር ርቀት ላይ ወደምትገኘው ኩዋሃ አቅጣጫ እያፈገፈገ መሆኑ ተገልጿል።

ከመንግሥት ጋር ቁርኝት ያላቸው የኢትዮጵያ መገናኛ ብዙኃን ግን ከተማዋ መያዟን አስመልክቶ ቀደም ሲል የወጡትን ዘገባዎች እስካሁን በይፋ አላረጋገጡም።

የትግራይ ክልል ፕሬዚዳንት ዶ/ር ደብረጽዮን ገብረሚካኤል ከአምስት ቀናት በፊት፣ ወደ ክልሉ የገቡት ኃይሎች የመግቢያ መንገዳቸውን እንጂ የመውጫ መንገዳቸውን አያውቁም ብለው ነበር።

የሕወሓት ቃል አቀባይ አቶ ሚካኤል አስገዶም በበኩላቸው፣ አዲሱ ወታደራዊ ጥቃት ውጤት እንዳላስገኘና የትግራይ ኃይሎች ትጥቃቸውንና ስትራቴጂካዊ አደራደራቸውን ጠብቀው መቆየታቸውን ገልጸዋል።