ኢትዮጵያዊ ፖለቲከኛ፡ ጦርነቱ የኤርትራን ካርታ የሚቀይር መሆን አለበት አለ
አቶ ግርማ ሰይፉ፣ ኢትዮጵያ የምትገደድበት ጦርነት ከተቀሰቀሰ ወሳኝ ለውጥ ማምጣት አለበት ሲሉ ተናገሩ።

በአዲስ አበባ ከተማ አስተዳደር የከተማ ውበትና አረንጓዴ ልማት ቢሮ ኃላፊ የሆኑት ፖለቲከኛው አቶ ግርማ ሰይፉ፣ ኢትዮጵያ ለመግባት የምትገደድበት ጦርነት ከተቀሰቀሰ የኤርትራን ካርታ በወሳኝ መንገድ የሚቀይር መሆን አለበት ሲሉ መግለጻቸውን የአገሪቱ ዘገባዎች አስታውቀዋል።
ፖለቲከኛው በመግለጫቸው፣ ሕወሓት በኤርትራ የሚመሩ ኃይሎች በትግራይ እንዲኖሩ መፍቀዱ ከባድ ውጤት ያለው ታሪካዊ ስህተት መሆኑ መዘንጋት የለበትም ብለዋል።
ኢትዮጵያ ከዚህ ጋር ተመጣጣኝ ምላሽ ከመስጠት አልፋ፣ ታሪካዊ ስህተቶችን ለማስተካከል እርምጃዎችን በመውሰድ ለረጅም ጊዜ የሚያስከትለውን የጸጥታ ስጋት ማስወገድ እንዳለባት አስገንዝበዋል።
በተጨማሪም የኢትዮጵያ የባሕር ኃይል ከዚህ ዓላማ ጋር የሚመጣጠን ቅድመ ዝግጅት ማድረግ እንዳለበት በመጥቀስ፣ እርምጃው ለክልሉና ለዓለም የሚጠቅም ሰላምና የኢኮኖሚ ሽርክና የሚፈጥር መሆኑን ገልጸዋል።
አንድ መንግሥት እውነተኛ አቅሙ የሚለካው በሰላም ጊዜ ታክስ በመሰብሰብ አቅሙ ብቻ ሳይሆን፣ እንደዚህ ያሉ ፈታኝ ሁኔታዎችን ለአገር ጥቅም በድል በማሻገር ነው ሲሉ ለብልጽግና ፓርቲ ጥሪ አቅርበዋል።

