ኣብ ፌስቡክ ልማኖ ዘቕረበት ኣደ ብዘይትፈልጦ ሰብ ኩሊት ተለጊሱላ ድሒና

ብሰንኪ ሕማም ኩላሊት ኣብ ፌስቡክ ናይ ተስፋ ምቁራጽ ልማኖ ዘቕረበት ኣደ ኣርባዕተ ቆልዑ፡ ሓደ ፍጹም ዘይትፈልጦ ሰብ ኩሊቱ ክህባ ፍቓደኛ ድሕሪ ምዃኑ፡ ህይወታ ዘድሓነ መብጣሕቲ ምስግጋር ተገይሩላ።

እታ ጓል 41 ዓመት ካረን ዴቪ ዝተባህለት ኣደ፡ ኣብቲ ኣብ ፌስቡክ ዝለጠፈቶ ጽሑፍ ንስድራቤተይ ብዘይ ኣደ ክሓድጎም ኣይደልን እየ ክትብል ገሊጻ ነይራ። ነዚ ዝረኣየ ጋሪ ሳመርፊልድ ዝተባህለ ሰብኣይ ድማ ኣብ ወርሒ ሓምለ ሓንቲ ካብ ኩሊቱ ለጊሱላ።

ጋሪ ብዛዕባ ዝወሰዶ ስጉምቲ ክገልጽ ከሎ፡ እዛ ሰበይቲ ካብቲ ኣነ ክልተ ኩሊት ዘድልየኒ ንላዕሊ ሓንቲ ካብአን ንዓኣ ዝያዳ ተድልያ እያ ኢለ ሓሲበ ኢሉ። ቤተሰብ ካረን ነቲ ልግሲ ብምንም ክኽሕስዎ ከም ዘይክእሉ ገሊጾም።

ብመሰረት ጸብጻብ ትካል ደምን ምስግጋር ኣካላትን ብሪጣንያ፡ ካብ ዝሞተ ሰብ ኩሊት ንምርካብ ብገምጋም ካብ ክልተ ክሳብ ሰለስተ ዓመት ይወስድ፤ ብህይወት ዘሎ ለጋሲ ምስ ዝርከብ ግን እቲ መስርሕ ናብ ሰለስተ ክሳብ ሽዱሽተ ኣዋርሕ ይሓጽር። ካረን ቅድሚ 10 ዓመታት መብጣሕቲ ምስግጋር ልቢ ተገይሩላ ነይሩ።