ኤርትራ ምስ ኢትዮጵያ ዘሎ ኩሉ ዲፕሎማስያዊ ርክባት በቲኻ፤ ኢትዮጵያ ወደባትን ገማግም ባሕርን ኤርትራ ወሪራ ክትብል ከሲሳ
እቲ ሚኒስትሪ፡ ኢትዮጵያ ንሰለስተ ዓመት ‹‹ዘይተቛረጸ ጽልኢ›› ኣካይዳ፡ ኤርትራ ድማ ብተመሳሳሊ ኣገባብ ካብ ምምላስ ሓሊፉ ካልእ ምርጫ የብላን ኢሉ።
ሚኒስተር ጉዳያት ወጻኢ ኤርትራ ዑስማን ሳልሕ፡ ኣብ ኣስመራ ንሚድል ኢስት ኣይ ኣብ ዝሃቦ ቃለ መጠይቕ፡ ቀዳማይ ሚኒስተር ኣቢ ኣሕመድ "ከም እስራኤል ናይ ክልተ ማያት ስትራተጂ ኣለዎ፤ ንዕኡ ግን ካብ ሩባ ኒል ክሳብ ቀይሕ ባሕሪ እዩ" ኢሉ። እቲ ቃለ መጠይቕ ሎሚ 1 ጥቅምቲ ወጺኡ። ሚድል ኢስት ኣይ፡ ዑስማን ሳልሕ ኣስመራ ሕቡራት ኢማራት ዓረብ ምስ እስራኤል ኣንጻር ኤርትራ ትሰርሕ ኣላ ትኣምን ከምዝበለ ገሊጹ።
ሚኒስትሪ ጉዳያት ወጻኢ ኤርትራ ብ1 ጥቅምቲ ኣብ ዘውጽኦ መግለጺ ጋዜጣ፡ ምስ ኢትዮጵያ ዘሎ ኩሉ ዲፕሎማስያዊ ርክባት ከምዝበትኽ ኣፍሊጡ። ክሲ ኢትዮጵያ ‹‹ዘገርም›› እዩ ኢሉ፡ ኢትዮጵያ ባዕላ ወደባትን ገማግም ባሕርን ኤርትራ ወሪራ ተቓወምቲ ጉጅለታት ድማ ኣዕጢቓ ክብል ከሲሱ።
ሚኒስትሪ ጉዳያት ወጻኢ ኤርትራ ብ1 ጥቅምቲ፡ ምስ ኢትዮጵያ ዘሎ ኩሉ ዲፕሎማስያዊ ርክባት ከምዝበትኽ ኣፍሊጡ። እዚ ዝኾነ፡ ኢትዮጵያ ኣብ ኣስመራ ዘለዋ ኤምባሲ ክትዓጹ ምውሳናን ዓሰርተ ዲፕሎማሰኛታት ኤርትራ — ናይቲ ተጸዋዒ ጉዳያት ሓዊስካ — ዘይተደለዩ ሰባት ምእዋጃን ድሕሪ ሒደት ሰዓታት እዩ።
ኣብ ኣስመራ ዝወጸን ብሻባይት ዝተዘርግሐን መግለጺ ጋዜጣ፡ እቲ ሚኒስትሪ ክሲ ኢትዮጵያ ኣንጻር ኤርትራ ‹‹ዘገርም›› እዩ፡ ሓቂ ድማ ብኣንጻሩ እዩ ኢሉ። ኢትዮጵያ ንሰለስተ ዓመት ኣንጻር ኤርትራ ‹‹ዘይተቛረጸ ጽልኢ›› ኣካይዳ፡ ኣብዚ ውሽጢ ድማ ‹‹ሉኡላዊ መእተዊ ባሕሪ ምርካብ›› ንምዕዋት ወደባትን ገማግም ባሕርን ኤርትራ ወሪራ፡ ተቓወምቲ ኣጽዋር ዝዓጠቑ ጉጅለታት ኤርትራ ድማ ኣአንጊዳን ኣዕጢቓን ክብል ከሲሱ።
እቲ ሚኒስትሪ፡ ኤርትራ ‹‹ዓቕልን ትዕግስትን›› ኣርእያ ነይራ፡ ሕጂ ግን ‹‹ብተመሳሳሊ ኣገባብ ክትምልስን ምስ ኢትዮጵያ ዘሎ ኩሉ ዲፕሎማስያዊ ርክባት ክትበትኽን፡ ምስ ኩሉ ኣሉታዊ ሳዕቤናቱ፡ ካልእ ምርጫ የብላን›› ኢሉ።
ሚኒስትሪ ጉዳያት ወጻኢ ኢትዮጵያ ቀቅድሚኡ ሓሙስ ከም ዝገለጾ፡ እቲ ውሳነኡ ነቲ ‹‹ቀጥታውን ዘይቀጥታውን ተግባራት ጽልእን ወረርነትን›› ኤርትራ ዝወሃብ መልሲ እዩ። ኤርትራ፡ ኣብ ሰሜን ኢትዮጵያ ንዝዋጋእ ኪዳን ትድግፍ ምዃና ነጺጋ።
እዛ ዜና ብእንግሊዝኛ'ውን ኣላ።
Read in English