ፕረዚደንት ኢሳይያስን ፕረዚደንት ኣልሲሲን ኣብ ሓዳስ ኣልዓላመይን ብዛዕባ ክልተኣዊ ርክባትን ዞባዊ ምዕባለታትን ሰፊሕ ዘተ ኣካዪዶም
ሚኒስትሪ ዜና ኤርትራ፡ ፕረዚደንት ኢሳይያስ ኤርትራን ግብጽን ኣብ ምኽባር ልኡላውነትን ግዝኣታዊ ሓድነትን ሃገራትን ኣብ ውሽጣዊ ጉዳያተን ጣልቃ ዘይምእታውን ተመሳሳሊ መርገጺ ከምዘለወን ኣስሚሩሉ ኢሉ።
ቤተ መንግስቲ ግብጺ፡ ፕረዚደንት ዓብዱልፈታሕ ኣልሲሲ ኣብቲ ቀዳም ምስ ፕረዚደንት ኢሳይያስ ኣፈወርቂ ኣብ ሓዳስ ኣልዓላመይን ዘካየዶ ዘተ፡ ግብጺ ንድሕነትን ርግኣትን ልኡላውነትን ኤርትራ ትድግፍ ምዃና ዳግማይ ኣረጋጊጹ ኢሉ። ቃል ኣቀባሊ ፕረዚደንት መሓመድ ኣልሸናዊ ከምዝበሎ፡ ኣልሲሲ ንዓለምለኻዊ ሕጊ ብዝጥሕስ መንገዲ ዝፍጸም ዝኾነ ይኹን ጥሕሰት ልኡላውነትን ግዝኣታዊ ሓድነትን ሃገራት ከምዝነጽግ ገሊጹ፡ ምስ ኤርትራ ኣብ ርግኣት ቀርኒ ኣፍሪቃን ጸጥታ ቀይሕ ባሕርን ዘሎ ምውህሃድ ክቕጽል ኣገዳሲ ምዃኑ ኣስሚሩሉ። ኢሳይያስ ብወገኑ፡ ክልቲአን ሃገራት ኣብ ዞባዊ ምዕባለታት ተመሳሳሊ ኣረኣእያ ከምዘለወን፡ ብፍላይ ድማ ልኡላውነትን ግዝኣታዊ ሓድነትን ሃገራት ክኽበርን ኣብ ውሽጣዊ ጉዳያት ጣልቃ ምእታው ክውገድን ከምዘለዎ ገሊጹ።
ሚኒስትሪ ዜና ኤርትራ፡ ፕረዚደንት ኢሳይያስ ኣፈወርቅን ፕረዚደንት ዓብዱልፋታሕ ኣልሲሲን ቀዳም ኣብ ሓዳስ ኣልዓላመይን ሰፊሕ ዘተ ከምዘካየዱ ገሊጹ። ፕረዚደንት ኢሳይያስ ኤርትራን ግብጽን ኣብ ዞባዊ ጉዳያት ተመሳሳሊ መርገጺ ከምዘለወን ኣስሚሩሉ፤ ኣልሲሲ ድማ ነቲ ክልተኣዊ ርክብ ብቁጠባዊ ሽርክነት ንምዕማቝ ግብጺ ድልውቲ ምዃና ኣረጋጊጹ።
ሚኒስትሪ ዜና ኤርትራ ከምዝገለጾ፡ ፕረዚደንት ኢሳይያስ ኣፈወርቅን ፕረዚደንት ግብጺ ዓብዱልፋታሕ ኣልሲሲን ቀዳም ኣብ ሓዳስ ከተማ ኣልዓላመይን ብዛዕባ ምዕባይ ክልተኣዊ ርክባት፡ ዞባውን ዓለምለኻውን ምዕባለታትን ኣንፈታትን፡ ከምኡ'ውን ካልእ ናይ ሓባር ጉዳያት ሰፊሕ ዘተ ኣካዪዶም።
ፕረዚደንት ኢሳይያስ፡ ኤርትራን ግብጽን ኣብ ዞባዊ ጉዳያት ተመሳሳሊ መርገጺ ከምዘለወን ኣስሚሩሉ፤ ብፍላይ ኣብቶም ልኡላውነትን ግዝኣታዊ ሓድነትን ሃገራት ምኽባርን ኣብ ውሽጣዊ ጉዳያተን ጣልቃ ዘይምእታውን ዝብሉ መሰረታዊ መትከላት። ኣስዕብ ኣቢሉ ድማ፡ ኣልሲሲ ኣብ ዝተፈላለዩ ጽላታት ክልተኣዊ ምትሕብባር ንምሕያል ንዘርኣዮ ጻዕርን፡ ግብጺ ንረብሓ ክልቲኡ ህዝብን ሃገራትን ነዚ ርክብ ንምድልዳል ንዘለዋ ሰናይ ድልየትን ድሉውነትን ምስጋናኡ ገሊጹ።
ፕረዚደንት ኣልሲሲ ብወገኑ፡ ኣብ ክልቲአን ሃገራት ዘሎ ዓሚቝ ታሪኻውን ስትራተጂያውን ዝምድና ብምጥቃስ፡ ኣብ ቀዳምነት ዝወሃቦም ጽላታት ፕሮጀክትታትን መደባትን ቁጠባዊ ሽርክነት ብምትግባር ነቲ ዘሎ ምዉቕ ክልተኣዊ ርክብ ንምዕማቝ ግብጺ ድልውቲ ምዃና ኣረጋጊጹ።
ፕረዚደንት ኢሳይያስ ጽባሕ ኣብ ዓላመይን ኣብ ዝካየድ ብዛዕባ ሓባራዊ ጸጥታ፡ ምርግጋእን ሽርክነትን ዝዝቲ ጉባኤ መራሕቲ ሃገራት ክሳተፍ እዩ።