ኣብ ማእከላይ ሱዳን ዓብዪ መኽዘን ነዳዲ ብድሮን ተሃሪሙ

ሱዳን ትሪብዩንን ዳባንጋ ራድዮ ቲቪን ከምዝገለጽዎ፡ ሰንበት 27 መስከረም ንግሆ ድሮናት ሓይልታት ፈጥኖ ደራሽ (RSF)፡ ኣብ ክልል ኣል-ጀዚራ፡ ካብ ወድ መደኒ ኣስታት 20 ኪሎ ሜተር ሰሜናዊ ምብራቕ ኣብ ዝርከብ ኣቡ ሓራዝ፡ መኽዘን ነዳዲ ኡም ዓሊላ ሃሪሞም። ምንጭታት ጸጥታን ተቐማጦን፡ ድሕሪ ጸሎት ወጋሕታ ተኸታታሊ ነተጓት ተሰሚዑ ኣብ ታንክታት ቤንዚንን ናፍታን ሓዊ ተኸሲቱ፡ ኣሃዱታት ምክልኻል ሓዊ ድማ እቲ ሓዊ ንምቁጻር ይጽዕሩ ነበሩ ኢሎም። RSF ብዛዕባ እዚ መልሲ ኣይሃበን። ሰራዊት ሱዳን ብወገኑ ኣብ ሰሜን ኮርዶፋን ናይ FH-95 ድሮን ኣውዲቐ ኢሉ፡ RSF ድማ ኣብ ሰማያት ብሉ ናይል ናይ ባይራክታር ድሮን ኣውዲቐ ኢሉ።