ኣብ ቀጽሪ መደበር ኣየር ሓይሊ ቢሾፍቱ ክልተ ናይ ድሮን ነተጒታት ተፈጺሞም፤ ላዕለዋይ በራሪ ካሳሁን ለማ ተቐቲሉ

ኢትዮጵያ ኦብሰርቨር ብ29 መስከረም ኣብ ዘውጽኦ ጸብጻብ፡ ኣብ ቢሾፍቱ ዘሎ ቀጽሪ መደበር ኣየር ሓይሊ ኢትዮጵያ ኣብ ለይቲ ቀዳም ናብ ሰንበት ክልተ ናይ ድሮን ነተጒታት ተፈጺሞም ኢሉ። እቲ ቀዳማይ ነተጒ ሓጺር መዓልቦ ዘለዎ ንእሽቶ ድሮን ኣብ ውሽጢ እቲ መደበር ምስ ነተጐ ዝኾነ ጉድኣት ኣየብጽሐን። እቲ ካልኣይ ነተጒ ግና ሄሊኮፕተር ኣብ ዝንቀሳቐሰሉ ዝነበረ እዋን ብምፍጻሙ፡ ላዕለዋይ በራሪ ካሳሁን ለማ ቀቲሉ ሓደ ቴክኒሻንን ሓደ ከሻንን ኣቖሲሉ። እቲ ጋዜጣ እዚ ጸብጻብ ካብ ኣብቲ መደበር ዝነበሩ ሰባት ዝረኸቦ ምዃኑ ገሊጹ። ACLED ብወገኑ ብ28 መስከረም ኣብ ዘውጽኦ መዝገብ፡ ብ27 መስከረም ኣብቲ ኣብ ኦሮምያ ዝርከብ መደበር ኣየር ሓይሊ ኢትዮጵያ ኣብ ዝተፈጸመ ምስ ድሮን ዝተኣሳሰር ፍጻመ ክልተ ኣባላት ሰራዊት ምክልኻል ኢትዮጵያ ተቐቲሎም ኢሉ። ቢሾፍቱ ካብ ኣዲስ ኣበባ 40 ኪሎ ሜተር ጥራይ ይርሕቕ። መንግስቲ ኢትዮጵያ ይኹን ኣየር ሓይሊ ብዛዕባ እቲ ጉዳይ ዝኾነ መግለጺ ኣይሃቡን። እዚ ጸብጻብ ብናጻ ክረጋገጽ ኣይተኻእለን።