ሰራዊት ትግራይ መንገዲ ጁቡቲ ኢትዮጵያ ክዓጽውዎ ቀሪቦም፤ ኣብ ዓፋር ብውሑዱ 150 ሽሕ ተመዛቢሎም

ኤኤፍፒ ዝጠቐሶ ምንጪ ሰብኣዊ ሓገዝ፡ ካብቲ ውግእ ኣብ ሰሜን ኢትዮጵያ ዝጀመረሉ እዋን ኣብ ክልል ዓፋር ጥራይ ብውሑዱ 150 ሽሕ ሰባት ከምዝተመዛበሉ ገሊጹ። እቲ ቑጽሪ ብናጻ ኣካል ክረጋገጽ ኣይተኻእለን፤ ምኽንያቱ ርክብ ተለፎንን ኢንተርነትን ኣብቲ ከባቢ ተቛሪጹ ስለ ዝርከብ።

ሓይልታት ትግራይ ነታ ኣብ ዞባ ክልተ እትርከብ ከተማ ኤረብቲ ብኸቢድ ብረት ድሕሪ ምድብዳብ ሒዞማ ኣለዉ። ሕጂ ድማ ናብ ኣፍዴራ፡ ካብ ኤረብቲ ኣስታት ሚእቲ ኪሎሜተር ንምብራቕ እትርከብ ከተማ፡ ይቐርቡ ከምዘለው ተገሊጹ።

እቲ ግንባር ናብ ዓፋር ምስፍሑ፡ ነቲ ንኢትዮጵያ ዳርጋ ኩሉ ንግዳዊ ኣቕሑን ነዳድን ዘእቱ ኮሪደር ጅቡቲ ኣብ ሓደጋ ዘእቱ ምዃኑ ተንተንቲ ይገልጹ።