ምምሕዳር ፕረዚደንት ዶናልድ ትራምፕ፡ ንኽልቲኦም መራሕቲ ሰራዊት ሱዳን ጀነራል ኣልቡርሃንን ሓይልታት ዳዕመል ሰሪዕ ሕመድትን፡ ሕጋውያን ሃገራውያን መራሕቲ ሱዳን ከምዘይኮኑ ብወግዒ ኮኒኑ።

ወሃቢ ቃል ሚኒስትሪ ጉዳያት ወጻኢ ቶማስ ፒጎት ኣብ ዝሃቦ መግለጺ፡ እቶም ኣብ ውግእ ዝርከቡ ሓይልታት ቅድመ ኩነት ዘይብሉ ሰብኣዊ ተኹሲ ደው ንምባል ክንዲ ዝሰማምዑ፡ ኣብ ልዕሊ ሰላማውያን ሰባት ዝፍጽምዎ መጥቃዕቲ ኣበርቲዖም ከምዝቕጽሉ ገሊጹ።

ምምሕዳር ትራምፕ እገዳ ኣጽዋር ሕቡራት ሃገራት ናብ ሱዳን ክዝርጋሕ ይጽውዕ ከምዘሎን፡ ኣብ ልዕሊ ነቲ ኲናት ዝድግፉ ወገናት ከቢድ ቁጠባውን ፖለቲካውን ስጉምቲ ክወስድ ምዃኑን ኣጠንቂቑ።

ናይ መወዳእታ ዕላማ ዋሽንግተን፡ ስልጣን ናብ ህዝቢ ሱዳን ተሰጋጊሩ ሲቪላዊ መሰጋገሪ መንግስቲ ክቐውም ምግባር ምዃኑ ይግለጽ።