ሚኒስተር ሃብቲ ማይን መስኖን ግብጺ ሃኒ ሰዊላም፡ ኢትዮጵያውያን ፖለቲከኛታት ኣብ ሃገሮም ምንጻፍ ምዝርጋሕን ኣብ ኣህጉራዊ ፈለግ ዲጋ ምህናጽን ክልተ ዝተፈላለዩ ነገራት ምዃኖም ክርድኡ ኣለዎም ክብል ተዛሪቡ።

እዚ ናተይ ትርጉም ዘይኮነስ ናይ ኣህጉራዊ ሕጊ እዩ ዝበለ እቲ ሚኒስተር፡ ልዕሊ ዓሰርተ ሃገራት ኣብ ዝካፈላልኦ ፈለግ ዲጋ ምህናጽ ልኡላዊ መሰል ሓንቲ ሃገር እዩ ዝብል ሓሳብ ካበይ ከምዝመጸ ኣይፈልጥን ክብል ገሊጹ።

ኢትዮጵያ ነቲ ዓቢ ዲጋ ህዳሴ ብናይ ሓይሊ ኤሌክትሪክ ምምንጫው ዕላማ ከምዝሃነጸቶ ጠቒሱ፡ እንተኾነ እቲ ዝምንጩ ዘሎ ሓይሊ ኣብ ዕደና ቢትኮይን ይውዕል ከምዘሎ ሓቢሩ።

ግብጺ ኣብ ደቡብ ሱዳን ክህነጽ ዝተሓስበ ዲጋ ከምዘይትቃወሞ'ውን ብወግዒ ኣፍሊጡ።