ሚኒስትሪ ዜና ኤርትራ ከም ዘፍለጦ፡ መዓልቲ ቱሪዝም ዓለም ብ26 መስከረም ኣብ ኣዳራሽ ምምሕዳር ከተማ ኣስመራ ብደረጃ ሃገር ተባዒሉ። ዋና ዳይረክተር ቱሪዝም ዞባ ማእከል ልያ ገብረኣብ፡ ብሰንኪ ዘለዉ ዕንቅፋታት እቲ ጽላት ቱሪዝም ከምቲ ዝተደልየ ኣይዓበየን ኢላ፡ ኣገልግሎት ወሃብቲ ትካላት ኣብ ምዕባለ እቲ ጽላት ዝያዳ ተሳትፎ ክገብሩ ጸዊዓ። ኣብቲ ኣጋጣሚ ሚኒስተር ቱሪዝም ኣስቀሉ መንቀርዮስ ተሳቲፋ። ኣቦ መንበር ማሕበር ትካላት ኣገልግሎት ቱሪዝም ሰሎሞን ግርማይ ድማ፡ እቲ መደብ ተሳትፎ ኣባላት ማሕበር ኣብ ምምዕባል ጸጋታት ቱሪዝም ኣብ ምብራኽ ዓቢ እጃም ከም ዘለዎ ገሊጹ። ኣብቲ ኣጋጣሚ ክሳብ 28 መስከረም ክጸንሕ ዝተሓበረ ምርኢት ፎቶ፡ ትካላት ቱሪዝም ፍርያተን ዘርእያሉ ቦታን መዘናግዒ መደባት ህጻናትን ተዘጋጅዩ። ምንጪ፦ ሻዕቢት / ሚኒስትሪ ዜና ኤርትራ።