ሓይልታት ትግራይ ኣህጉራዊ ማዕርፎ ነፈርቲ ኣሉላ ኣባ ነጋ ከምዝተቖጻጸርዎ ተገሊጹ። እቲ ምርኽኻብ ብዘይ ዝኾነ ናይ ቶኽሲ ምልውዋጥ ከምዝተፈጸመን ኣብ ሰብ ዝወረደ መጉዳእቲ ከምዘየለን ተሓቢሩ።

መገዲ ኣየር ኢትዮጵያ ብወገኑ፡ ካብ 23 መስከረም ጀሚሩ ናብ ከተማታት መቐለ፡ ኣኽሱምን ሽረን ከካይዶም ዝጸንሐ በረራታት ንዘይተወሰነ ግዜ ደው ከምዘበሎም ብወግዒ ኣፍሊጡ።

እቲ መገዲ ኣየር ኣብ መግለጺኡ ዝኾነ ምኽንያት ከይጠቐሰ፡ ንዓማዊሉ ንዝፍጠሩ ምትዕንቃፋት ይቕሬታ ከምዝሓትት ጥራይ ገሊጹ።

ኣብ ከተማ መቐለ ዝርከባ ብኣባላት ፖሊስ ፌደራል ዝሕለዋ ዝነበራ ትካላት መንግስቲ ፌደራል'ውን ንሓይልታት ትግራይ ከምዘረከባ ተገሊጹ።